早年同倪震一啜成名嘅內地姑娘張茆，城大畢業後，同兩個老友喺淘寶網開店賣香港嘅衫同化妝品，有樣有身材嘅佢仲做埋模特兒，親自示範㖭。
大陸人近年鍾意嚟香港買奶粉，佢亦唔執輸，開多個香港代購專區，賣埋好搶手嘅美素佳兒奶粉；當港媽撲奶粉撲得好辛苦時，佢間舖居然有幾十至近百嘅奶粉存貨，但價錢一啲都唔平，一罐要成200幾蚊人仔，唔知係咪因為咁所以唔多人買？睇番佢個網，似乎生意勁好，仲出咗通告話春節期間已嚴重爆倉，有啲偏遠地區暫停接單咁話。但有香港網民睇完好嬲，話佢嚟香港讀書已經用香港資源，𠵱家仲要賣香港嘅嘢返大陸賺錢。