女星近年變臉頻繁，大有大變，小有小改。官恩娜昨日出席美容用品活動，被發現面腫腫，有點硬膠化情況，她自爆閉關一排錄歌，日內派台，莫非想變靚出擊？胡定欣被問到蒙嘉慧結婚時，即大呼開心，更踢爆胡杏兒有圈外人力追。
官恩娜、胡定欣和江若琳等昨日在中環出席美容用品活動，眾女郎一律黑裙紅唇扮Betty Boop。官恩娜紫色長髮下，面部浮腫，鼻及臉頰兩邊位置更有硬膠情況，樣子跟之前有出入，她則表示近期閉關：「呢排冇見人，因為匿埋錄歌，就嚟派台，都錄得好順利。」
養新狗新希望
隨即官恩娜自爆近期養了新狗：「因為跟咗我十幾年嘅狗仔，舊年去咗，嗰日係我生日之後第二日，雖然唔喺身邊，但都好似感應到佢死咗咁。希望新一年，新狗仔有新希望，𠵱家朝朝要起身放狗，好似湊BB咁忙。」愛狗如命的她，去年底家中飼養的3歲大迷你牧羊犬Barney，在家中後花園疑被人用尖銳鐵通劏肚，重傷入院，令她心痛不已。
蒙嘉慧（YoYo）和鄭伊健東京結婚，成為昨日娛圈一大喜事，胡定欣說：「替YoYo開心，盈盈又就嚟生，我都希望沾吓喜氣，我都31歲，希望快啲結婚啦，最好今年成事，不過生仔就慢慢嚟。」
爆杏兒有人追
胡定欣謂不時介紹男仔給身邊女友，更踢爆胡杏兒有追求者：「我介紹畀杏兒識，佢𠵱家有人追，係圈外人，我都叫佢唔好掛住工作，享受吓啦。」又指與杏兒相差兩歲，希望可以一齊擺酒、一齊結婚。
採訪、攝影：顏英儀