超低成本製作的純國產片《泰囧》，在內地殺出近13億人民幣的「錢」途，情況如同彭浩翔拍的純港片《低俗喜劇》。彭浩翔日前接受本報記者訪問，認為中港兩地出現同一現象，表示兩地觀眾只想還原基本步，追求純娛樂為要素，他說：「即係話觀眾入場只係想要娛樂，之前太多合拍片、大片，好多同觀眾嘅距離都好遠，照顧唔到買飛入場睇戲嘅人需要，同香港好耐冇純港片、啲人入場睇《低俗喜劇》一樣，《泰囧》可以做到咪成功囉，加上觀眾受落上集《人在囧途》徐崢同王寶強，出現呢個現象都好正常。」
彭浩翔稱《泰囧》為觀眾提供另一出口，讓大家有多個發洩渠道。對於有內地學者批評此片為「三俗電影」，即低俗、庸俗和媚俗，彭浩翔認為電影沒有不妥當，因為電影是多元文化，應該提供不同選擇給觀眾，他說：「我鍾意《一代宗師》，又唔抗拒有多啲《泰囧》呢類電影，咁電影業有唔同種類嘅片，冇咁單一先係成功。」他又稱《泰囧》的拍攝手法輕鬆流暢，不會因為兩地文化差異而看不懂。
撰文：何永寧