電視台小花近月都換咗批新臉孔，好多前主播都轉行做公關，醫管局就係佢哋其中一個好歸宿。好似有線電視前主播盧頌萱咁，佢最近就離開咗有線電視，過檔咗去醫管局做內部傳訊工作，喺最近一次醫管局高層同傳媒聚會，佢仲擔大旗做主持㖭。聽聞盧頌萱同now新聞台另一位前記者黃嘉瑜，都係under張宏艷。講開小花，另一位now新聞台前醫療記者盧雪穎，早前就去咗瑪嘉烈醫院做助理新聞主任。另一前記者集中營，就係屯門醫院，裏面有報紙、電台同電視台前記者做公關，點解請咁多人？皆因屯門醫院出事頻率最高囉。