連鎖電器店百老滙老闆李子良不時買物業保值，住宅唔在講，買舖亦好豪爽，反正買來可以自用，唔怕百老滙被業主狂加租趕走。
20億物業 唔怕被趕走
聽聞，李子良最近又喺旺角西洋菜南街掃多件貨，用6,880萬買咗74至84號旺角城市中心3樓全層，約5,500方呎樓面，呎價約1.25萬。
早喺03年沙士後，李子良已經大手用3.5億，掃入呢幢大廈地下至2樓，之後將呢三層大改造，變成𠵱家呢間百老滙，佢家陣買埋3樓，唔知係咪要擴充營業呢？
查實李子良揸住西洋菜南街嘅一眾靚舖，市值起碼20億，個別更加係喺30年前買入，升值升到不得了，部份用嚟收租，唔係全部自用。