禿鷹曾偉雄以人手不足為由，拒絕成立動物警察，虐殺動物案無日無之。希望保護動物嘅朋友唔使太失望，因為近日漁護署招聘「動物管理督察」，協助管理、指揮同監督動物管理中心。不過，主要職責都係處理流浪牛問題，唔係捉冷血殺手，有車牌者優先考慮。
其實呢，漁護署嘅動物督察，同禿鷹嘅警隊督察，獲得嘅待遇係兩回事。皆因申請動物管理督察一定要係大學畢業，月薪係$13,440，置地間文華東方酒店喺勞工處請清潔工，都有$12,000一個月啦。但警隊督察唔單止唔使大學畢業，月薪仲有$33,275，人工係動物管理督察嘅2.4倍。