【本報訊】港交所（388）被指製造假民意！立法會財經事務委員會昨就期指夜市邀請正反兩方同場對壘，而由於部份支持開設夜市的意見書行文用字幾乎「一模一樣」，有議員質疑港交所為業界擬訂支持信的範本。港交所則否認製造假民意。
提供支持信範本
據昨日財經事務委員會提供的51份就開設期市指夜市的意見書中，41份以英文書寫的意見書有15份的行文用字極為相似，當中包括第一上海及光大證券等支持信。事件即時惹來立法會議員涂謹申質疑港交所預先為業界準備支持信的範本，有製造假民意的嫌疑。而有份出席會議兼支持實行期指夜市的富士香港商品財務及行政經理盧廷姿亦直認不諱指「交易所係有一啲sample嘅信件」。
被當場「踢爆」為業界預備範本信，港交所環球市場科聯席主管戴志堅解釋指，「我哋其實有做到一樣嘢，係將（業界）意見寫低，有部份支持者希望我哋有啲方便嘅方式畀佢哋寫（信）入嚟。」而有份使用範本信的盧廷姿於會後亦表示，「冇乜問題，港交所咁做都係想方便我哋，我哋都係支持啲論點先簽名。」
對於製造假民意的指控，港交所發言人回覆指「意見摘要的內容來自市場，提交意見的業界人士亦確實抱持這些意見，絕對並非所謂『假民意』」，而被問及會否因此事令推行期指夜市一事受阻，港交所重申若獲證監會批准，將按計劃於3月底推行。
「篤爆」港交所為支持者提供「官樣文章」的涂謹申則表示會追查到底，「港交所應該係要收集各方的意見而唔係鼓動意見，就算支持你都唔係你去教佢點寫，港交所今次畀人好差嘅印象！」