鄧健泓（Patrick）與龔嘉欣分手後，先後被爆有第三者，Patrick更毫不避忌與被戲稱「豬扒港姐」的張嘉兒頻頻約會。身為龔嘉欣好姊妹的姚子羚看不過眼，前晚在將軍澳出席活動時嘲諷Patrick：「佢唔鍾意食排骨，鍾意鋸扒多啲。」
龔嘉欣甩拖後被爆有第三者在先，未知是否壓力爆燈，最近疑厭食激瘦。與嘉欣情同姊妹的姚子羚前晚與陳煒在將軍澳出席「一紙千緣」揭幕禮，她表示鄧健泓與嘉欣分手後已甚少聯絡，問可信張嘉兒是第三者？她說：「嘉欣又冇講，我都唔知，Patrick都應該面對好大壓力，搞到形象唔好，同人出街都應該要避忌啲。」
希望嘉欣盡快復元
問可覺得Patrick花心？子羚語帶相關說：「唔知，又冇同佢拍過拖，但知佢唔鍾意排骨，鍾意鋸扒囉。」子羚透露最近與嘉欣合作拍新劇《單戀雙城》，指對方有進食，只是間中覺得頭暈，她說：「可能佢（Patrick）靚仔啦，又好細心。但如果我係嘉欣見到啲咁嘅新聞都幾難復完，想佢過新生活。」子羚表示會趁機會介紹男仔予嘉欣認識，她說：「佢鍾意young啲，我就鍾意成熟啲，分手後都想佢擴闊生活圈子。」
另外，陳煒在《法網狙擊》穿斜膊裝大受好評，泳衣look更被老公讚索過真人，帶挈她接了新廣告。她說：「希望豬籠入水啦，今個月有六位數收入。」她透露老公將於新年期間由台灣來香港陪她，但暫未計劃生BB。有指陳煒與田蕊妮不和，又眼紅萬綺雯（蚊蚊）？她否認：「有約蚊蚊食飯，田蕊妮見到亦會打招呼。」
採訪、攝影：王崇穎
