噚日係全港中學生基本法盃辯論比賽總決賽，辯題係「一國兩制是保持香港繁榮穩定的最佳模式」，由正方聖若瑟書院對反方華英中學。聖若瑟嘅同學唔單止辯才好，仲好醒目咁擦曾主席鞋，話多得佢喺立法會大會內唔批准世界末日，先令佢哋有得辯論。
反方華英中學就出奇招，喺辯論中提出一國一制先至係最佳模式，中國應該香港化……曾鈺成聽到就係咁笑；另一評判中大副教授馬嶽就𢱑晒頭。最後聖若瑟以5比0大勝，得到全港冠軍。曾主席事後笑言，當然係一國兩制好，因為反方華英同學仔講嘅一國一制，係大陸跟香港一套，唔怪得曾主席唔buy啦。