年又過年，新民黨葉劉淑儀話咁快就掛橫額同市民搶閘賀新年。社民連嘅朋友噚日喺金鐘見到呢幅橫額，但見葉劉set行個頭，拎住張「福」字同港人拜年，張相影得靚唔靚，八方就唔作評論啦。但社記吳文遠路過見到，就即時同呢幅橫額say hi合照。
文遠話，見到呢幅嘢有啲感觸。因為未選特首前，葉劉話過CY會害人，但佢轉頭就入咗行會。反而頭號梁粉Dream Bear卻落得如斯下場。文遠話，如果𠵱家有機會見到葉劉，好想問吓佢：「Dream Bear係咪俾CY害得好慘？」佢覺得，葉劉手上個「福」字，係咪應該送畀Dream Bear，叫佢自求多福？