沙膽虹去年三月中，梁振英仍未當特首前，已講過對梁振英沒好感的一個原因，就是他身邊多牛鬼蛇神，包括乞人憎的羅范椒芬和亦正亦邪的劉夢熊。雖說劉夢熊這位政治投機分子，是知悉梁有機會獲中央支持當特首才主動黐埋去，但梁亦要查清楚呢位仁兄的底細，才讓他黐埋身吧。「但梁振英當時只得百分之八民望，又冇人用，見有劉夢熊咁主動咁瞓身幫佢，當然唔好嘥！」有人這樣為梁解釋。若然如此，梁振英今鋪只好認了！
以劉夢熊的性格，在他埋到梁振英身期間，雙方的電話、飯局、甚至書信往來，他都有記錄在案，甚至有錄音也說不定。他前日就拋出一封梁振英去年十一月以行政長官身份，用特首辦信箋寫給時任中聯辦主任彭清華，推薦他出任政協常委的信件。梁振英過去數天對劉夢熊的指控一直不予回應，或許就是不知道還有多少痛腳在劉手上。
沙膽虹