馮仁昭四圍超:<br>超雲面無血色驚嚇 - 馮仁昭

馮仁昭四圍超:
超雲面無血色驚嚇 - 馮仁昭

成日同男朋友陳山聰環遊世界吃喝玩樂嘅賭王千金何超雲,之前啱啱拍拖去咗澳洲度玩,享受陽光與海灘,真係人生一樂也。
玩完之後超雲噚日一早就喺網上貼相出嚟,佢留言話:「早上7點多,一下飛機就有驚喜(記者朋友來接機)把我那僅餘的陽光膚色都嚇跑了,但也真慘了你們那麼早起,今晚早點睡吧!」唔知係咪畀機場嘅記者朋友嚇親,定係因為同陳山聰喺澳洲咁多日玩到冇晒氣力,只見相中嘅超雲面無血色又披頭散髮,真係讀者第一眼望到都嚇醒埋。
撰文:馮仁昭