由於阿仙奴正副隊長華美倫同阿迪達都受傷，本身有傳領隊雲格會畀韋舒亞喺上周六對白禮頓一戰首次戴上隊長臂章，等佢成為隊史最年輕嘅隊長。不過韋仔可能興奮得滯，喺Twitter上載自己喺屋企戴住隊長臂章嘅相，但相中嘅佢下身竟着咗條花花底褲，懶開心咁樣，唔知係咪教授覺得佢唔夠尊重，最後場波變咗由梅迪薩卡做隊長，韋仔就連正選都冇。