【本報訊】蛇年農曆年與情人節接近，令已受天氣反常影響的年花貴10%至20%，因「全世界都搶花搞到啲花貴晒」，而花店也預料情人節正值大年初五，不少人仍未上班，常送遞到辦公室的情人節花束銷量會大減，遂搞搞新意思，將年花crossover情人節鮮花。
花店Ovo花藝師Rebecca說，年花售價平均升10%至20%，除因天氣寒冷影響收成及成本上升，也因臨近情人節，全球鮮花需求大增。她說農曆年生意仍有10%至15%升幅，但擔心情人節銷情不及往年，因當天雖為假期後首個上班日，「但嗰日係星期四，請埋星期五就連放九日」，料很多女士都放假，「叫男朋友送花到office都係想威吖嘛」。
「可以𠱁埋長輩」
花店惟有絞盡腦汁，Rebecca將年花crossover情人節鮮花，如將年花五代果插進鮮花束，又將銀柳拗成心形襯托玫瑰花，「如果送畀女仔，都可以放喺屋企當年花吖，又可以𠱁埋長輩」。
蘭花大王楊小龍也稱，特別挑選適合情人互送的新品種，如「天生一對」，「因為佢哋開花係一對對咁開㗎」；另一款「梨窩淺笑」花瓣有兩點白點，「好似女仔笑起嚟嘅酒窩咁囉」。
楊小龍說，過去一年尤其年尾早晚溫差大，適合蘭花生長，故此，今年可引入多達56款蘭花品種，包括罕見、像太極圖案般一朵花有兩款外貌的蘭花，「一半係白色一半係紅」。