謝天華、鄭欣宜、徐子珊、安德尊同呂慧儀等噚日着晒唐裝衫，喺將軍澳電視廣播城錄影《保良金蛇賀新春》。近日暴肥嘅欣宜入面着咗件低胸黑tee打底，最為性感，同子珊合照嗰陣仲胸壓對方，天華亦「腿張開」接近一字馬玩遊戲，安德尊就抬起長腳蟹呂慧儀嘅長腿搞氣氛，長腳蟹個樣仲好痛苦。呂慧儀俾人問會唔會生蛇B？佢話除非有意外喎。
天華做訪問嗰陣唔蝕底拉開鈕門想搶欣宜鏡，仲話：「大家都40吋，梗係要騷吓，我計數字唔計shape。」佢自爆喺賀歲片度會同欣宜親熱，欣宜仲會錫佢腳趾：「我用火酒浸腳，但都有犧牲，另一場戲要俾人用炮仗掟落條底褲邊，火燒肚臍，返屋企要搽燙火膏。」
撰文：洪紅克
