梁振英首份施政報告不得人心，出台後樓價更不跌反升，但他昨日還誇口沒有向地產商跪低，揚言勝過董建華及曾蔭權，「過去嗰十五年，冇一個行政長官、冇一個政府下咗咁大決心，回應社會大家咁關注嘅房屋問題」。至於標準工時問題，他更說漏了口，間接承認在政綱寫明推動立法是為了「討好大家」。
稱無向地產商跪低
梁振英昨接受電視台訪問時三番四次強調，他上任後「做咗無數咁多事」，諸如長者生活津貼、買家印花稅、特別印花稅等，都是有效和成功的政策措施，但辯稱因市民最關心的房屋問題積壓多年，現屆政府可做的就是增加土地供應，要求市民「唔好淨係睇印象、唔好淨係聽結論，要分析，更加係好客觀咁、科學咁睇統計數字」。
他更否認向地產商跪低，「如果大家認為我或者我嘅政府向地產商跪低，大家要舉實例」，重申若地產商囤積抬價不賣樓，當局不排除以任何方法確保地產商會賣樓給市民。
被問到標準工時立法消失於施政報告中，他死撐已成立委員會研究，主持質問他對立法的立場，他說：「政府要推動一件事都要社會上有一定共識先至可以做，如果淨係為咗討好大家，寫四個字推動立法但完全不可能嘅，咁你成立委員會嚟做咩？」主持立即追問梁，在政綱寫明推動立法是否為「討好大家」，梁即靦腆地提高聲調說「完全唔係」！
對於政改問題，梁振英重申現時距離2016年和2017年仍然有時間，強指「點樣普選行政長官、普選行政長官嘅好處，我哋由1988年我做基本法諮詢委員會秘書長嘅時候，社會上已經討論咗好多，我相信大家對呢啲問題嘅睇法，同當時亦都唔需要有啲咩好大嘅改變，所以我哋有一定嘅基礎」。