如果政府規定你只可以喺樓下間超級市場買餸、日用品，而嗰間超市賣嘅嘢又貴、質素又差，政府見你咁慘，就可憐你話會考慮立法限制超市嘅售價，你覺得荒謬嗎？咁荒謬嘅事正發生喺我哋依靠養老嘅強積金制度之上。
梁振英首份施政報告喺強積金落墨唔多，一是會用不同渠道要受託人減收費，二是要求積金局於三年內完成推行全自由行的部署。
老實講，毛丘係唔明要推行強積金全自由有何難度？話公司人人用唔同戶口供款會有困難，同一道理，公司個個員工都唔係用同一間銀行出糧，又唔見出糧有困難。
能否加快推行事在人為，要打倒積金霸權，只要畀打工仔自由選擇，霸權毋須喊打也會自行倒下。
魯毛丘