隔牆有耳:<br>疾呼反堆填區 <br>方國珊哪吒再上身 - 李八方

隔牆有耳:
疾呼反堆填區 
方國珊哪吒再上身 - 李八方

西貢區議員「哪吒」方國珊日日高嗌關閉堆填區,要日出康城心曠神怡,但可能過度發功,搞到官員發投訴信畀西貢區議會主席,投訴哪吒品行有問題。
喺本月西貢區議會一個會議上,哪吒同居民席上高聲疾呼反對擴建堆填區,西貢民政專員蕭慕蓮好不滿,批評哪吒「不斷以粗鄙言詞及威嚇性的態度喝罵、無理取鬧」,又不滿佢早前喺另一會議同助理威嚇民政處人員。
罪名咁大,哪吒當然反駁,話居民怒不可遏,係咪大聲、冇禮貌就見仁見智,佢反批評蕭慕蓮政治打壓,「視反對聲音的居民為殺父仇人,枉為父母官」。