周秀娜狠撇花弗男友陳偉成（Avis），六年情劃上句號，Avis的集郵相簿陸續有慾照流出，有指他拍電影《喜愛夜蒲2》搭上33C𡃁模Hazel（唐紫睿），兩人還拍下親密照，被激到病的娜姐昨日在微博訴苦，Avis昨日除急忙否認搭上Hazel外，更對舊愛生病憂心忡忡，自爆已短訊慰問。
周秀娜近日宣佈跟拍拖六年髮型師男友陳偉成分手，Avis繼偷嗒𡃁模羅彩玲（Vivian）的床照流出，竟然陸續有來，昨日有讀者報料指另一暴乳33C𡃁模、吳浩康女友Hazel跟Avis過從甚密，前日本報刊登Avis攬女照，其實就是Hazel，Avis慾照不斷流出，舊愛娜姐怎不眼火爆，昨日凌晨她在微博貼上憂鬱照，更留言：「感冒了好好睡一覺希望明天會好。」
短訊慰問舊愛
記者昨日致電Avis，他表示知道娜姐身體不適：「我哋分咗手冇通電話，我有睇到微博知佢病咗，我啱啱傳咗短訊問候佢。」可期待娜姐回覆？Avis說：「我唔想煩住佢，只想慰問佢。」Avis對情已逝仍十分傷感，抗拒提小三Vivian，他揶揄說：「我同佢好耐冇聯絡，把口喺佢度，人哋鍾意點宣傳我理唔到。」
對於與Hazel的親密照，Avis說：「我真係冇印象，我唔識佢。」Hazel昨日在電話中說：「我之前拍《夜蒲2》識Avis，張相係慶功時影。唔係我主動要求影，大家都飲咗酒有啲醉，我同佢冇拍過拖。」
採訪：比華利、卓寶花
攝影：陳俊強
