周星馳為宣傳執導的新片《西遊．降魔篇》而缺席政協開幕大會，因而惹來網民狂轟，昨日星爺終抽一日時間開人大會議，記者昨致電跟星爺合作多年的李力持，問可覺得星爺今次是屈服開會？他說：「我諗周星馳都係一個關心社會嘅好人，不過喺香港嚟講就低調咗啲，平時一啲義務工作、團體都唔係好見佢出現，今次既然政協委託咗佢，希望佢同中國老百姓或者同香港人謀吓幸福囉，多啲出席吓慈善嘢，為公益做吓事，唔好淨係有戲出先至嚟宣傳啦。」
星爺做政協能否勝任？李力持說：「睇番星爺往績我就唔係好知啦，但既然國家委派任務畀佢、終於國家畀任務佢，我諗佢一定全力以赴嘅。星爺喺香港比較低調，但如果做咗政協，希望佢喺發言方面，為香港人爭取吓、講吓嘢，平時喺香港聲都唔聲吓。」他表示會欣賞星爺執導的新片，但認為演員大都不是香港演員，要找回昔日香港喜劇的感覺會較困難。
採訪：葉雪