之前無辜被修咸頓「豉椒炒魷」嘅艾堅斯，唔少領隊同球迷都為佢抱不平；不過大家唔使擔心艾堅斯冇嘢撈，事關呢名47歲教頭被炒之後，轉個頭就有球會向佢招手。𠵱家喺英冠榜下游掙扎嘅哈特斯菲爾德，日前因成績欠佳炒咗教頭加利臣之後，隨即誠邀艾堅斯接掌教鞭；據悉艾帥對接手好有興趣，睇嚟佢可以話咁快又有得復出教波喇。