【北京】杜汶澤早前去北京出席新片《快樂到家》嘅首映，點知竟然俾內地傳媒影到佢背住老婆田蕊妮，約會三位中女，而其中一位中女仲相當省鏡㖭，佢戴住對珍珠耳環，非常斯文有氣質。當日阿澤同呢幾位女士喺北京一間高級酒店嘅餐廳嘆下午茶，當日見杜汶澤手舞足蹈，好鬼識搞氣氛，𠱁得各位美女笑晒，講到𠱁女仔開心，佢真係有一手。
攝影癮起喪拍
其實阿澤仲有鋪攝影癮，呢日見到靚女，梗係要即場騷吓佢啲本事啦，佢影完枱上面嘅咖啡杯之後，又去影身邊一棵植物。影咗大約一個鐘頭左右，佢幾位女性朋友孝相繼離開酒店，估唔到杜汶澤亦冇「曳曳」，只見佢一個人返咗自己酒店房間。
但係佢行到去酒店大堂前面，就停低睇番自己嘅作品，仲好細心咁欣賞。
噚日阿澤接受本報記者電話訪問，佢哈哈大笑說：「呢個組合有個chat room叫『杜生後宮』，其實佢哋都係人妻，老婆係正印唔畀佢入會。」身旁的田蕊妮隔住電話大嗌：「我係大婆呀！」擺明耍花槍。
採訪：丁寧