外形man爆的黃智賢，理所當然認為他應對大狗情有獨鍾，但因為遷就太太，他們只養體形偏細的狗，他說：「我鍾意大狗，但係我老婆好驚大狗，一撲埋嚟佢就驚，加上我成日唔喺屋企，唔可以成日帶佢落街，如果成日困住佢喺間屋度，或者叫工人去放狗又唔係咁好，反而細狗可以唔使理佢咁多，大小二便都易搞，我覺得唔可以為咗鍾意而鍾意，點都要睇番自己嘅時間或者屋企環境適唔適合，如果唔係反而係害咗隻狗。」