意大利名將「小馬尾」巴治奧，喺04年退休後，3年前去咗意足總擔任技術總監，到最近終於頂唔順，喺周三辭職劈炮走人。巴治奧當日接呢份工作，主要工作係加強意大利年青球員嘅培育，但做咗幾年發覺足總班友當佢耳邊風，非常冇癮，佢就咁話：「我喺2011年12月做咗份900頁嘅詳細建議書，但一直都冇收過任何回應，我唔鍾意齋咬糧冇嘢做，所以咪走人囉！」