暫列港甲第6位嘅橫濱FC（香港），繼上月從日乙宗主球會橫濱FC借得村井泰希後，噚日再公佈羅致得剛約滿日乙FC愛媛嘅35歲前鋒福田健二（右）。雖然佢年紀唔細，但來頭都唔簡單；除97年曾帶領過日本躋身世青盃8強外，職業生涯亦曾效日聯名古屋鯨魚，同史杜高域（左）並肩作戰，亦踢過西乙紐文西亞、拉斯彭馬斯等多支球隊，經驗豐富，而佢聽日將首次隨橫濱操練。至於日聯另一支橫濱球隊：橫濱水手，原本希望將3月頭聯賽揭幕戰對湘南比馬一戰，安排喺昔日世盃決賽場地嘅日產球場上演，但球場最近因為受到大風雪影響，設施受破壞，趕唔趕得切比賽仲未知，所以可能要改喺觀眾少好多嘅三澤球場上演。