呢頭想話今年季中交易好淡靜，嗰邊灰熊同騎士就出手交易。今次灰熊將史比基斯、艾寧頓同薩比送走，換嚟一個未來第一輪選秀權同路華；睇落好似冇乜用，但係其實今次交易，對球隊好有幫助。因為佢哋今次送走呢3位後備球員，為球會喺薪酬上限慳咗成600萬美元（約4,700萬港元），令到基爾（中）同蘭度夫兩名主力可以安心留隊。