剛有調查報告指出這十年來大專畢業的學生數字激增一倍，要是計及負笈海外就讀的肯定不止此數，但薪金水平卻未能同步上揚，月薪平均滯留8000元，若然計及通脹，其實比以前還少了，只剩大概7000元左右。何解大驚小怪？這結果絕非意外，今時今日的大專學生水平，不管是思想知識還是能力，和以前的中學畢業生有甚麼分別？除了可能是水平更差之外！
讀完一樣搵唔到食
在這個文憑量化寬鬆、再加借錢買文憑的普及底下，學歷只不過是紙一張，有何代表性可言？當洗碗清潔工人，甚至護衞員都月入過萬的時候，既然清楚知道、亦不斷投訴人工低的時候，有沒有人可以告訴我為甚麼還要勉強讀下去，欠下幾十萬學費債，究竟條數點計將來點還？讀書是為自己增值，從來都不是賺錢做買賣的工具，更不是用來交換甚麼的條件及本錢。如科大雷鼎鳴教授所言，「副學士只係將青少年失業問題推遲」、「自恃有大專學歷，揀擇搵工，不肯『屈就』較辛勞工作」。報道又指，「聖雅各福群會青年服務高層級經理坦言，市場上需要大專學歷的工作不多，只是年輕人不願入行，好多時係有工冇人做」。大家可知建造業嚴重缺人，日薪2000甚至包薪兼保證未來幾年最低加薪幅度，仍然無法吸引年輕人入行。
甚麼輸在起跑線冇學歷搵唔到食，證據確鑿擺在眼前的事實是，讀完一樣搵唔到食！這些愚昧無知自我催眠的自殺式行為，究竟還要死幾多人錯到幾時先識痛知醒？
其實搞成咁，父母過份緊張盲目催谷，明知子女不是讀書材料一樣強迫死讀，會讀得出甚麼成績？肯學肯捱努力不懈，何愁沒有出路？總比得把口紙上談兵強得多對不對？
張慧敏
http://www.facebook.com/HKcareerdoctor