最近一、兩個月喺中環少見咗一班酷似模特兒嘅靚女，原來著名模特兒公司Starz People（種星堂）嘅寫字樓，上個月由中環搬咗去銅鑼灣，班靚女自不然唔見晒。至於點解搬？聽地產經紀講，咪又係業主向錢看，見市場資金轉炒寫字樓同商舖，想高價放售個寫字樓盤囉。
Starz旗下有好多大家熟識嘅模特兒同藝人，好似Amanda S.、連詩雅、Maggie Q同埋做過「中環我至靚」嘅Taylor R。
至靚女神 皇室堡再見
據地產經紀講，Starz喺中環擺花街一號個寫字樓租咗好多年，見到𠵱家寫字樓租務旺盛，舊年同業主傾續租時，都願意加幾萬蚊租，但係業主唔多願意租畀佢哋，想交吉賣咗去。Starz惟有搵地方搬，銅鑼灣話晒係潮人潮區，搬過去都襯嘅，最終租咗華置（127）旗下皇室堡。
就因為咁，Starz班靚女模特兒亦轉場，好少喺中環出現。以往「中環我至靚」攝記同事不時影到Taylor R，近月真係連影都冇！業主加租、收番個盤放售，原來唔只趕走小商戶，連靚女都趕走埋，冇陰功。
李華華
mailto:[email protected]
新game出爐 ～ 快啲試下自己有無辦法上車啦！
【「樓」年運程小測試】
http://www.tomonews.net/game/hkhousingpolicy/