性向一直成疑的許廷鏗竟然跟鄭欣宜搞緋聞，二人被指上星期秘密飛台灣浸溫泉，在飛機上依偎，又頭貼頭睡覺，主角之一的欣宜昨日在將軍澳電視廣播城錄影《Big Boys Club》。
「佢唔係我杯茶」
提到拗直許廷鏗，欣宜說：「笑咗喇今朝，好好笑，我相信識得我哋嘅人都知道我哋唔係囉唔該！不嬲都係姊弟戀，好搞笑！」自爆姊弟戀，引起全場哄動，當她知道自己表達錯誤之後，一再重申說：「唔係呀，係就唔會咁揚喇！仲一齊咁樣。」欣宜直認自己以往拍拖都公開，她說：「係囉，所以真係冇喎！」欣宜表示二人只是好朋友，不會有男女之情，難道是姊妹情？她說：「做乜咁講，好衰呀！總之成件事好爆趣，我真係冇諗過，佢唔係我杯茶囉，唔好意思，我飲咖啡㗎！你哋知唔知呀，家姐同細佬拍拖係犯法㗎！唔得㗎，亂呀，冇可能！」
至於，黃浩掌摑案的涉案人曾志偉早前到警局轉擔保，最近他忙於為賀歲片《2013我愛HK 恭囍發財》宣傳，志偉表示葉玉卿將返港出席首映宣傳，之後他會游說卿卿為無綫拍劇，志偉說：「除咗卿卿，梁家輝都話想返無綫拍套劇，好多人唔記得，家輝係訓練班出身。」
採訪、攝影：楊潔雯