特首梁振英早前在立法會答問大會上，以一句「仲有時間」將政改問題輕輕帶過。有政界人士稱，北京仍在意政改方案能否再獲通過，但阿爺在兩會前未有時間處理。季陶聽聞，內地中間人近日亦與泛民談政改，言談間也憂慮梁或「拖冧」政改方案，更指2017年若普選特首，即使是假普選，梁也不可能成功連任。
普選特首 梁必出局
該泛民中人稱，阿爺心知肚明，若2017年普選特首，只有建制派候選人可入閘，而梁振英要角逐連任基本上是不可能：「即係兩個建制派要市民揀，除非建制派出個劉江華之類嘅犯眾憎陪跑，否則曾鈺成又好、陳智思又好、葉劉都好，求其一個都贏梁振英，所以從梁振英利益出發，梗係要搞到連假普選都冇！」
若2017年特首選舉仍沿用選委會選舉制度，梁連任機會就會增加，「只要好似對付唐英年咁，用黑材料抹黑對手，再說服阿爺撐佢，要喺選委入面夾五、六百票，點都易過要百幾萬人投佢一票」。但該泛民人士笑稱，今時唔同往日，西環人事大換班後，未必再為梁出手對付競爭者，梁要再打抹黑戰並不容易。
而2017年普選特首時間表，盛傳是前國家副主席曾慶紅拍板，曾慶紅對習近平仍有一定影響力，試問怎會任由2017年普選特首被「搞冧」？所以梁要政改原地踏步，或要付出不少政治代價。
季陶