【拆局】特首梁振英成立的金融發展局怪胎風波，隨着該局降格為財經事務及庫務局其中一個諮詢委員會，有暫時平息迹象，但多名政商界人士均認為，梁在現有金融系統外另立山頭的想法未有改變，今次公務員系統只是暫時頂住，擔心梁日後捲土重來。
有政界人士形容，今次金發局風波可算是公務員系統想法佔了上風，「梁振英想喺現有架構以外又搞一嚿有權力、又唔受政府管嘅嘢，公務員明知唔得，但係特首夾硬要做，𠵱家咪證明梁振英嗰種諗法先係唔得囉！」
有商界人士稱，政府想法是只能將金融發展局變成「有一定獨立性嘅諮詢委員會」：「日後佢哋（金發局）可以收會員，用會費支持運作，可以做自己研究，但只係同總商會差唔多，做出嚟嘅研究政府未必一定要用。」但這個模式與梁心目中的金發局明顯有落差，「佢（梁振英）想喺金融系統入面，有另一個佢自己嘅山頭」，所以不排除梁日後捲土重來，「到時一定會影響外國點睇香港國際金融中心嘅形象。」
《蘋果》記者