港深政府都拒絕取消「一簽多行」，即係叫強國人放心佔領香港，呢項政策除咗帶?水貨客強搶奶粉同年貨外，仲帶嚟China Style插隊大法，最先喺出入境口岸出現，然後擴散開去，卑微嘅香港人抵抗唔到強國大潮，惟有及早適應。
「中國式插隊」當然係強國獨有，皆因強國人向來有情有義，霸到靚位梗係益街坊，一個人排隊，預埋幾十個老友插隊，人龍開枝散葉係盛世象徵，直頭好似小強嘅生命力咁頑強。
「擠擠才更健康」
強國人為防止外人打尖，排隊時會非常親密，男男女女零距離貼埋一齊，達到進步、無私、團結嘅境界，難怪有網友大讚「國人都釋放了尋求溫暖的本能」，仲話排隊粗放先夠氣勢，仲係體能大考驗，「擠擠才更健康」。
呢種插隊大法已經喺香港境內出現，《深圳商報》噚日報道，記者喺落馬洲口岸同皇崗口岸，見證一人排隊、親友插隊嘅盛況，水貨客更加互相幫忙插隊，喺落馬洲管制站嘅e道，情況就更加普遍，雖然現場群情洶湧，但入境處職員亦冇符。
吳爽有位港男老友話早排去滿佈強國人嘅海洋公園，排隊時俾強國同胞俟埋身抽水，隊伍出現零距離情況；而另一位港女OL老友就話近年搭港鐵時，見到強國同胞派代表貼身排隊，同行朋友就坐埋一邊，列車埋站時衝埋嚟插隊，睇嚟香港Style又向強國邁進一大步！
一向「顧全大陸」嘅狼英，噚日話好重視水貨客問題，保安局、警方、海關同入境處會加強打擊行動。爽仔聽到之後，只係諗起唐英年名句：「你呃人！」
