【本報資料】一向以來沙田賽事水準比谷草高，能於沙田上名之馬，轉跑谷草往往可憑級數搭夠交出頭馬。今晚有六駒剛在沙田上名而轉跑谷草，值得優先考慮。
第五場告廐「綠豆爽」在田草取三亞兩季而未勝，今次初跑谷草無非希望對手減弱下有突破開齋。此駒的同父馬「恭喜發財」曾勝同程谷草一哩，巫斯義連續第四次策騎而不放手，明顯對牠有期望，出王牌切勿睇低。
第七場蔡廐「首飾多寶」今季於田草跑過四仗獲一冠兩亞，既然田草都有好成績交出，轉跑谷草自然更惡。事實上，季內蔡廐有四匹田草上名馬轉跑谷草繼續取得好表現，共獲冠亞季殿各一。加上同主馬「首飾孖寶」今季轉跑谷草即獲一冠一亞，「首飾多寶」已報打吡，目前只68分必須搶分，多項有利數據支持下捧得過。
第三場「盈威勇士」上仗在直路賽上名，今晚轉跑谷草同程，季內大摩曾有高班廐侶「軍事出擊」田轉谷即勝，加上「盈威勇士」鞍上人郭立基踏入一月後六次賽事，其中五次有馬贏，手風正順，更加不可低估。
今日有料
可以免費上《蘋果日報》網 http://hk.racing.nextmedia.com/再click入影片區收看
