南華早報集團（583）由「太子女」郭惠光揸弗已經有一段時間，噚日公司出通告，郭惠光阿哥郭孔演上星期五已經離開咗董事局，辭任非執行董事，結束佢喺南早嘅20年生涯。公司冇話會搵人頂替佢非執董嘅位，即係話，董事會只得番太子女一個姓郭嘅人。
郭孔演原本同郭惠光一樣，都係南早嘅執行董事，98年仲做埋南早主席，不過佢09年已經轉做非執董，等阿妹直接揸旗。但係太子女舊年5月冇做行政總裁，淨係做執行董事，CEO一職交畀來自新加坡嘅胡以晨。唔知係咪覺得報業唔好玩呢？
《南早》剛剛至加完價，而噚日競爭對手英文《虎報》有個廣告，以中文大字標題話「姑息加價等於助長通脹，向全港最貴的報紙說不」，唔知太子女又點回應呢？