八方每朝無論搭車定係食早餐，附近總會有人攞住份《蘋果日報》，或者開住蘋果app嚟睇。《蘋果》成功轉型，雙軌發展，梗係得到肯定啦！
由香港互動市務商會舉辦嘅「傳媒轉型大獎」，《蘋果》勇奪五個大獎，包括喺報紙類別同數碼營銷獲得金獎，資訊科技創新同網站／程式可用性方面都拎到銅獎，報紙同電子版都咁掂，《蘋果》喺整體大獎，都拎到個季軍呀！
咁究竟每日幾多人睇《蘋果》呢？媒體研究機構Ipsos Media Atlas做嘅調查顯示，每日原來有逾188萬人睇《蘋果》，報紙同電子版各佔一半，即係平均每四個香港人就有一個《蘋果》fans，仲係報紙網站嘅第一位，真係唔講得笑！
