海嘯至今航空業一直捱打，國泰（293）和星航近排投放16.1億銀重整商務艙，更換座椅兼加大電視屏幕，不過彭博報道，受累金融業大裁員，商務貴客大減，來往亞洲及美國航線機票跌至45700元，貼近海嘯低位。
港人搭國泰的情意結，是長久建立的品牌優勢，但頹勢近年浮現，除飛機餐質素變差外，有次搭其他航空公司到澳洲出差，長途機上每人附上一支水，毋須呼喚空姐，餐酒亦不錯，這些小體貼令國泰又失去一個死忠粉絲。
面對需求下降，走高檔路線的國泰難以紓尊降貴，與廉航打減價戰。上月國泰承諾加薪2%，今個月即推「肥雞餐」，月薪制空中服務員可獲額外20個月薪金，趕走高薪一族，睇番中期業績，員工只佔營業開支15%，這般㩒爛部計數機的控制成本方法，慳得到成本都顧唔到質素，有時女人慳得太盡，男人都會覺得冇癮！
Samantha
本欄逢周一、三、五刊出