貴為特首夫人，狼太唐青儀不時要出席慈善活動，佢噚日以桃紅look去港台同《南華早報》合辦嘅「愛心聖誕大行動2012」閉幕禮，負責揭曉今屆籌款數字。
當狼太用道具砌完善款數字後，大會竟然話唔啱數，嚇到狼太瞠目結舌「巧京京」，以為自己搞錯咁失禮，原來係大會想畀個「驚喜」狼太，最終砌啱1,800萬呢個數。
天主教香港教區榮休主教陳日君樞機噚日都有出席慈善活動。八方問佢點睇香港嘅貧窮問題，陳樞機話自己冇乜跟進，但就話喎，記得教宗喺和平日講過，希望有錢人可以成立新嘅金融制度，等所有人、無論貧富階層都一齊發達喎。