內地人，乜都搶一餐，鹽呀、奶粉呀、益力多以致金莎朱古力，都係搶購目標；估唔到狼班子都有呢種習慣，近期喺全港「盲搶地」，忽然將一啲明明有其他用途嘅用地，夾硬話要轉嚟起屋，辣㷫唔少人。
環保觸覺眼見狼班子亂嚟，特登喺《規劃號外》創刊號，篤爆政府盲目搵地，話最終只會益晒地產商，受苦嘅仍然係小市民，入面仲有個欄目叫《各區規劃亂象睇真啲》，似乎係唔錯嘅通識素材。工黨張超雄同新民主同盟范國威噚日仗義幫拖派號外，仲同環保觸覺嘅譚凱邦喺金鐘政府總部天橋，齊齊戴住大眼鏡，諷刺狼英只識「盲搶地」。