鄧紫棋（G.E.M.）早前被前輩甄妮指冇禮貌，前晚兩人齊現身港台頒獎禮，卻緣慳一面。甄妮繼續咬住G.E.M.唔放，對於G.E.M.想邀她欣賞其個唱時，甄妮冷淡說：「哦，時間啱，why not？」提及G.E.M.早前在微博向她道歉，她反問：「乜嘢道歉，佢有道歉咩？」並再次強調當日G.E.M.有很多時間與她打招呼，她說：「要宣傳我唔使，我一句大話都冇講，我唔係針對任何人，不過我咁啱開個唱，唔好俾人覺得博乜，麻煩手下留情。」
G.E.M.直言到場後才知甄妮在場，她稱有幻想過與甄妮見面的畫面：「揮手Hi定來個擁抱？我喺腦內綵排過，總之隨緣，今日見到學友都有打招呼。」學友自爆G.E.M.有與他打招呼，並笑指甄妮教得好。陳奕迅亦曾被甄妮指目中無人，他直言多得甄妮指導，亦贊同歌手要修養及聲色藝俱全。
