繼阿姐汪明荃力爭8年才成功為粵劇界爭取西九用地後，中國三大男高音莫華倫前晚在尖沙嘴舉行音樂會時，也促請政府「唔好得個講字」，盡快完成西九文娛藝術區，莫華倫坦言多年來推廣歌劇文化好辛苦，力斥政府的資助不足夠。
莫華倫前晚在尖沙嘴文化中心舉行音樂會，慶祝他有份創立的香港歌劇團成立10周年，銀河娛樂主席呂志和夫婦、民政事務局局長曾德成及謝玲玲等到場欣賞。
「快啲完成啦」
身為主人家的莫華倫到台前接待，他透露去年11月為英女皇演出Royal Variety Show，機會難得非常高興，問到歌劇團的發展？他說：「我好想推廣歌劇，但淨係靠政府資助真係唔夠，好在有好多贊助商支持，我真係好希望西九可以盡快起好，有個歌劇院畀我哋用。」
問到政府有否諮詢過意見？莫華倫表示有諮詢過，但不是諮詢委員會的成員：「唔好再諮詢喇，唔好得個講字，快啲完成仲好啦。香港係一個國際大都會，全世界嘅大城市都有好出名嘅歌劇院。」
文化中心必需
莫華倫續說：「既然香港商業形象咁好，都應該要有自己嘅歌劇院，作為文化中心，有三樣嘢係必需，就係歌劇院、音樂廳同戲劇院。」他表示多年來不斷到學校巡迴演出，每年會舉行兩個大型歌劇，希望令歌劇更大眾化。
採訪、攝影：盧妹