中港矛盾成日都會引發兩地人嘅口水戰，話說一個微博名為「烟家溪干物女」嘅內地網民，近日喺自己微博留言，話喺香港受到有史以嚟最大嘅侮辱，然後爆粗轟港人豬狗不如，話香港人有乜咁優越「住着鴿籠房，防賊一樣防着大陸，心怕怕是水客或孕婦」，諷刺卻是「港人吃着大陸的特供食品，連電網都是大陸廉價輸送」，話要求大陸斷供喎；又話聽聞港人好友善，但原來同共產黨一樣自欺欺人。
刪文避風頭
網民即刻起佢底，發現原來佢係一位《廣州日報》湖南籍記者；雖然唔知佢喺香港受咗乜氣，但就覺得使唔使咁出言侮辱人呢？有網民嘆道：「所謂記者質素尚且如此，你能指望這國家有甚麼前途？仲講乜嘢民主？」最後呢位記者刪除原文兼改埋微博名避風頭。