立法會搬去添馬艦前，歡迎議員競投舊立法會大樓傢俬，保險界陳健波原來對立會傢俬情有獨鍾，用咗成3,000蚊，投咗四件寶物，堪稱立會「Bid嘢王」。而佢自覺嘅best bid，係用兩嚿水，bid咗立法會舊大樓嘅垃圾桶，覺得實用兼美觀。
原來佢家吓用緊嘅書枱都係用800蚊bid到，兩張酸枝傢俬就用咗1,200蚊，掛衣架就用咗800蚊。陳健波大讚件件都係靚嘢，好鬼抵買，仲話其他議員唔識貨。好多議員都鍾意搵前記者做助理，陳健波亦唔例外，點解咁賞識記者？佢話貪記者支筆夠好，其他人寫嘅嘢唔係記者嗰皮喎。