【入不敷支】
近年物價和樓價飛漲，畢業生起薪點望塵莫及。五年前公開大學會計學士畢業、現年28歲的Gary，第一份工月薪8,000元，雖然很快轉工加至一萬元，但扣除3,000元家用和進修學費，仍須「出少啲街做宅男」；他坦言年輕一代對未來感絕望，畢業生起薪點低處未算低，「𠵱家新入職都冇8,000，副學士得番6,500，養唔掂自己」。
Gary現已考獲會計師牌，月薪仍不足二萬元，全靠投資有道，半年前終儲夠首期，打算在屯門買入約100萬元的300平方呎單位，豈料不足兩周即被炒至150萬元，「上唔切車，買到都供唔起。美國就快加息，房屋政策講緊唔知幾年後。我唔覺得有希望，抽綠悠雅苑當買六合彩。」
70後同行：嗰時人工跳得快
35歲的張先生同樣從事會計行業，較Gary早九年入行。他99年於中大會計系畢業即投身五大會計師行，起薪1.3萬元，扣除7,000元家用和儲蓄，手頭仍「鬆動」，「嗰時啲嘢平，人工跳得快，好多同事搬出嚟住；畀着𠵱家我搵番相同人工，都驚唔夠使」。
張先生不認同較遲出身必然較吃虧，只是經濟周期問題，他也是趁09年金融海嘯才「上車」，「01年好好景，03年好慘，𠵱家只係差嘅周期較長。」他促請政府為各階層增加住屋選擇，年輕人也應按現實調節期望，「物價升係經濟健康發展，幅度可以斟酌；政府有資源做多啲嘢，年輕人亦唔一定要急於買樓」。
《蘋果》記者