公屋建屋量縮水、同志平權拒諮詢、普選沒有時間表、扶貧空談乏力，大話特首梁振英發表首份施政報告，承諾變研究，立法變討論，拖完再拖，逾十個民間團體聯同泛民周日發起大遊行，呼籲市民再次上街，踢走「行騙報告」；工黨李卓人表明帶同紅油向梁振英「追數」。
由民間人權陣線、職工盟、民主黨等十多個民間組織和政黨發起的不要行騙報告大遊行，本月27日（周日）下午3時由銅鑼灣東角道出發，遊行到政府總部，預計5,000人參與。發言人王浩賢稱，梁振英不但誠信破產，連民生政策如全民退休保障、改善基層住屋也交白卷，「唔係消失就縮水」，或成立委員會拖延，「扮有為，實則係冇心冇力嘅『拖』政報告」。
天主教勞工事務委員會政策研究幹事羅佩珊批評，梁曾承諾研究標準工時立法，「施政報告隻字不提，只係話討論」。關注綜援低收入聯盟幹事李彥豪也斥梁空談長遠規劃，「委員會、研究、討論，七個字講晒」，對市民苦況置之不理；同根社主席楊湄指施政報告沒照顧基層婦女，「同曾蔭權冇分別」。
泛民計劃在施政報告致謝議案投反對票。公民黨郭家麒指梁振英日前提出設空置稅，又再出口術，「扮黑又扮白，繼續呃市民」，呼籲市民上街，「話畀佢聽唔收貨」。社民連梁國雄斥梁振英選特首前「乜都話解決到」，上任後即現形，「畀多一日時間佢，只會壞多一日」。
李卓人帶紅油「追數」
梁振英表明不會諮詢反性傾向歧視立法，工黨李卓人直斥：「從來冇見過施政報告會講明，乜嘢冇諮詢，淨係佢先做得出。」他批評由公屋建屋量縮水到抹黑全民退保，「根本佢係冇誠意，仲呃埋香港人嘅普選權利」，呼籲參與元旦倒梁的市民再次上街，他會帶同紅油向梁振英「追數」，「（要）話畀梁振英聽，我哋唔要一份行騙報告」。
不要行騙報告大遊行
日期：1月27日（星期日）
時間：下午3時
路線：由銅鑼灣東角道出發，遊行至添馬政府總部
資料來源：民間人權陣線