【本報資料】明晚谷草賽事用C跑道，天文台預測天氣正常，估計會一如近幾次谷戰般，場地掛牌為好地。
跑法：睇番最近12月19日同一移欄八場賽事，當中七場有一至三檔馬入Q，可見內檔馬優勢仍大。至於跑法方面，就利追不利放，當晚八場賽事之放頭馬未嘗一勝，入Q亦只得列陣最短途1000米之「創出商機」及「凱旋無敵」而已；各匹頭馬中，分別有「飛天龍駒」、「旅遊名牌」、「福喜」、「風之子」、「勁啲啲」及「強風駿馬」從中後位置衝上掄元，今次抽得中內檔起步之後追馬，值得優先留意。
馬匹：第二場「回鄉更好」及尾場「太奇妙」正是於12月19日谷草C欄贏馬，前駒抽得四檔好位，可望守於貼欄中間位置，末段發揮後勁應可坐位望贏。第四場「奄尖大少」四次角逐四班谷草C欄一哩賽，取得兩冠一季一殿佳績，排好位可望在強項打開今季勝利之門。