【學者意見】
施政報告房屋政策盡失民心，樓價狂飆，梁振英昨再出口術指不排除徵樓宇空置稅。學者及地產界都質疑樓宇空置稅成效不大，甚至令發展商故意拖慢勾地進度，減少住宅單位供應量。
經濟學者兼長遠房屋策略督導委員會成員關焯照昨表示，一手單位的空置率按經濟周期變動，如03年沙士期間，空置率高達6.8%，現時4%仍相對較低，認為政府要恢復定期賣地機制，「控制權完全喺地產商手上，佢可以知道幾時攞幾多地，將最有利控制權畀咗佢，佢就變左睇住嚟食。如果變返定期賣地，就攞返控制權。」
關焯照認為，以空置稅方式調控供應量未必有效，擔心政府一旦開徵空置稅會有後遺症，發展商勾地時可能放軟手腳拖慢進度，「佢地會睇清楚需求先做，一徵空置稅，唔會令所有空置單位出返嚟好多，反而會令發展商拖慢勾地流程。」
恒生管理學院商學院院長蘇偉文稱，「空置」定義難以界定，地產商亦可透過將樓宇轉售名下其他公司，要做到「滴水不漏」不容易。中原地產創辦人施永青亦認為，空置稅成效不大，建議應規定新樓盤部份單位只可售予香港人。
《蘋果》記者