【本報訊】特首梁振英上任後力推長者生活津貼（俗稱特惠生果金），但未派錢先虐老。香港防止虐待長者協會發現，虐老個案急增，去年有1,763宗涉及財產侵吞，當中425宗個案更因為長者生活津貼須資產審查，長者擔心資產超額將積蓄轉移予子女，殊不知「一去冇回頭」，涉及金額由3萬至12萬元不等，令安老政策演變為「虐老」的幫兇。
防止虐待長者協會去年共接獲2,687宗虐待長者個案，按年急增21%。當中以財產侵吞的個案佔最多，達1,763宗，按年急升26%。自政府宣佈推行長者生活津貼後，財產侵吞個案更明顯由去年10月開始飆升，每月平均都超過200多宗。
協會副總幹事余嘉龍透露，被侵吞財產的個案主要因為政府要求長者生活津貼有資產審查，不少長者擔心資產超額，將僅餘的積蓄轉移子女，「長者通常去銀行攞咗現金出嚟，用現金方式交畀仔女，點知一去冇回頭，仔女攞咗老人家啲錢就失蹤，或者同佢哋講用咗啲錢，唔畀返佢」。
煮高糖食物 報紙當尿片
協會又發現，近年中港婚姻、老夫少妻的情況越趨普遍，也令精神虐待有惡化迹象，去年有403宗精神虐待個案中，182宗為中港兩地老夫少妻的虐待個案。余嘉龍指，發現大部份個案的內地女子「鍾意揀阿伯結婚，多過揀後生」，因為結婚後申請來港時間「快好多」，只需兩至三年，「如果屋企有60歲以上長者，他們申請來港有優先權，佢哋嚟到香港後就逼老人家離婚，最終目的係要攞公屋居住權」。
余嘉龍續稱，精神虐待個案手法層出不窮，「明知老人家有糖尿病，煮一啲糖份好高嘅食物，或者心臟病整多啲對身體唔健康嘅食物。有啲患咗老人癡呆，可能經濟能力有限，用報紙當尿片，搞到佢哋大髀爛晒」。
協會指虐老個案急增反映社署一直漠視長者被虐服務的需要，又批評現行法例未有相等於虐兒或者虐偶同等的法例，保障長者，要求政府投放資源在長者被虐服務，以及立法或修訂法例。