【拆局】
施政報告出爐只不過幾天，梁振英突然加料，聲稱不排除推出樓宇空置稅。有政界中人稱，梁振英根本知道實行機會等同零，因政府內部曾就此進行研究，認定此舉除破壞自由市場，也難以界定「空置」定義，但梁振英為展示有遏止樓價的決心，不惜出口術瞞騙市民。
「空置」難以界定
據了解，政府內部曾就開徵土地或單位空置稅進行研究，結論是實行機會極低，一是香港崇尚自由經濟，沒理由就私人行為徵稅，另一原因更現實，就是如何界定「空置」？有政府中人稱：「我買完層樓，鍾意唔住要嚟擺，唔通你又話要交稅？」
梁振英料也知道有關舉措不可行，有政界中人指：「如果推行到，就喺施政報告講咗，使乜隔幾日透過梁粉先放風、然後出口術話唔排除做？」有政界中人更揶揄指：「係咪日後市民買唔到iPhone，都要收iPhone囤積稅先？」他批評梁振英旨在「擺姿態、搶民心」，「搞唔到增加供應，就卸責畀地產商，似乎想將地產商妖魔化，轉移視線等市民去鬥地產商。」
發展局副秘書長陳松青昨出席《城市論壇》時，試圖為空置稅降溫，指一般私人物業發展，發展商會盡快推售項目讓資金流轉，強調現階段未發現有發展商故意囤積單位，與倡議此稅的「梁粉」意見相違。
《蘋果》記者