【秉承宗旨】
林亮另一為人所知的身份，便是身兼行政會議成員和立法會議員林健鋒的父親。林亮的兒孫自小在其感染下同樣對玩具「死心塌地」，第三代至今已加入其玩具王國近七年。林亮雖明言，不介意下一代將來賣盤轉型，但確信鄰近東南亞地區未來10年都搶不走內地玩具加工業的龍頭地位。
「知道佢哋要將爺爺嘅產業發揚光大，想做成百年老店，但我已經睇唔到喇，唔諗咁遠。」林亮說，玩具加工業在成本漲升下，擠壓成微利工業，「見風駛隽啦，好似公司好多廠房買落已經冇乜用，轉做商廈、住宅都得。對公司有功勞嘅員工，都有分股份畀佢哋，以後甚至可以交畀佢哋打理，我哋只做股東。我介意嘅係個人有冇變，唔好攞錢去澳門賭鬼晒。不過第二、三代都幾生性，秉承到我做人嘅宗旨，唔會好冒險。」
近年不少傳統產業面臨轉型與淘汰的重要課題，但他深信，針對初生嬰兒至6歲學前兒童的玩具，在內地三、四線城市仍大有市場，民眾富起來，都願意掏錢給小朋友買玩具。林亮透露，他致富後主要將資金投放在中港泰等地，買地建廠房自用，不喜歡炒賣股票和物業。