【長壽秘訣】
無論外表、走動，還是流利對答，都難以想像在記者眼前的林亮，今年已經89歲。他的長壽秘訣毋須靠朝朝晨運，打golf操fit，亦無靈丹妙藥、貴價補品，「關鍵在於對人對事樣樣都心平氣和，晚晚都瞓得好甜。」
林亮說到自己身體健壯，是有賴年輕時返回鄉下耕田鍛煉出的好身子，「當年日頭耕田，夜晚就跟一位好有名嘅師傅林耀桂，學佢自創嘅龍形拳，打好咗基礎。返嚟香港就冇再練拳喇，但後生打工嗰陣日日做18個鐘，唔覺得疲倦，我都係做到08年因為通過波仔，先冇掂公司業務。」
有別於其他長者，他坦言一向沒有運動習慣，「我出嚟行吓咪運動囉！今日就有四個約會，聽日就有三個，得閒飲吓茶，打吓麻雀，同老婆周圍去旅行。又唔使食乜鮑參翅肚、燉品補身。」原來他日常飲食簡單，對辛辣、刺激食物止步，樣樣都適可而止，「我身體有乜唔妥，即刻就去睇醫生……你睇我全口牙都有齊，得四隻係假嘅。」
提到日常飲食，林亮曾任醫生的太太Shelly亦插嘴，指他雖然做過心臟手術，但此後身體一直都很好。
林亮第一任太太、即林健鋒生母在1985年去世，他感恩能認識到現任太太，「20年了，得到好多安慰。加上我從來唔會發火鬧人，心平氣和，晚晚都瞓得好安樂。」